دنیایورپ

علاقے میں کشیدگی کا باعث امریکا ہے، روس

رشین فیڈریشن کونسل میں بین الاقوامی امور کے ڈائریکٹر جنرل نے ایٹمی معاہدے سے امریکا کی علیحدگی کو علاقے میں کشیدگی کا باعث قرار دیا ہے۔

رشین فیڈریشن کونسل میں بین الاقوامی امور کے ڈائریکٹر جنرل آندرے کورتونف نے ارنا سے گفت‍گو کرتے ہوئے کہا کہ ایٹمی معاہدے سے امریکا کی علیحدگی ہی علاقے میں کشیدگی کی بنیاد ہے۔

ان کا کہنا تھا کہ ملکوں کو چاہئے کہ وہ کشیدگی کے اس ماحول سے نکلنے کے لئے اپنی پوری کوشش کریں- رشین فیڈریشن کونسل کے سینیئر عہدیدار آندرے کورتونوف نے کہا کہ امریکا نے ایٹمی معاہدے سے نکل کر کشیدگی میں اضافہ کیا ہے اور پابندیوں کے دوبارہ نفاذ سے حالات اور بھی بدتر ہوئے ہیں اس لئے سبھی فریقوں کی پہلی کوشش یہ ہونی چاہئے کہ وہ علاقے میں جنگ کے امکان کو روکیں-

ان کا کہنا تھا کہ ہرچند ہم جانتے ہیں کہ ڈونلڈ ٹرمپ ایران کے ساتھ جنگ نہیں چاہتے لیکن ہمیں اس بات کی اجازت نہیں دینی چاہئے کہ کشیدگی میں مزید اضافہ ہو-

روسی عہدیدار نے کہا کہ ٹرمپ کی ٹیم میں انتہا پسند عناصر موجود ہیں جو ٹرمپ کو ایران کے ساتھ جنگ کے جال میں پھنسانا چاہتے ہیں اس لئے دنیا کو اس سلسلے میں ہوشیار رہنا چاہئے-

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button