ایران

آبنائے ہرمز کے مشرق میں 24 گھنٹوں کے دوران چوتھا آئل ٹینکر بحری کان سے ٹکرا گیا

آبنائے ہرمز کے مشرق میں 24 گھنٹوں کے دوران چوتھا آئل ٹینکر بحری کان سے ٹکرا گیا

ایرانی بحریہ کے شعبہ تعلقات عامہ نے اعلان کیا ہے کہ آبنائے ہرمز کے مشرق میں ممنوعہ علاقے سے گزرنے والا ایک خلاف ورزی کرنے والا آئل ٹینکر بحری کان سے ٹکرا کر آگ کی لپیٹ میں آ گیا اور اسے شدید نقصان پہنچا۔ ٹینکر نے اپنے بحری نقل و حرکت کے نظام بند کر رکھے تھے۔

بیان کے مطابق یہ گزشتہ 24 گھنٹوں کے دوران آبنائے ہرمز کے مشرق میں نقصان سے دوچار ہونے والا چوتھا آئل ٹینکر ہے۔ ایرانی بحریہ نے واضح کیا کہ آبنائے ہرمز کی سلامتی نعروں اور جھوٹے بیانیے سے نہیں، بلکہ بحری قوانین کی پابندی اور ایران کی مسلح افواج کے ساتھ رابطہ کاری سے محفوظ آمدورفت ممکن بنانے سے قائم ہوتی ہے۔