ایرانی پارلیمنٹ کے اسپیکر محمد باقر قالیباف نے ایران پر کیمیائی ہتھیاروں کے استعمال کے الزام کو نئی جنگ افروزی قرار دیتے ہوئے کہا ہے: ”وہی جھوٹے پرچم، وہی جنگ افروزی اور صرف لوگو نئے ہیں۔“
قالیباف نے کہا کہ دائیں بازو کے دھڑے کی ساکھ کا بحران اپنے عروج پر پہنچ چکا ہے، اسی لیے پیغام رسانی کی کارروائی نیویارک ٹائمز اور سی این این کو منتقل کر دی گئی ہے۔ انہوں نے مزید کہا کہ اس کارروائی کو صہیونی رجیم کی بیرون ملک کارروائیوں کے سب سے بڑے نجی عطیہ دہندہ اور سی این این کے نئے مالک لیری ایلیسن کی حمایت حاصل ہے اور میڈیا پر مکمل قوت کے ساتھ قبضہ کیا جا رہا ہے۔ سی این این نے اپنی ایک رپورٹ میں دعویٰ کیا تھا کہ ایران اعلیٰ امریکی حکام کو قتل کرنے کے لیے گندے بم یا کیمیائی ہتھیاروں کے ذریعے واشنگٹن ڈی سی پر حملہ کرنے کا ارادہ رکھتا ہے۔

