ایرانی وزیر خارجہ عباس عراقچی نے امریکی وزیر جنگ پیٹ ہیگسیتھ کے بیان پر طنزیہ ردعمل دیتے ہوئے کہا کہ ’’شمشیر ہاتھ میں رکھنے والے مردوں سے قوانین کی بات نہ کرو۔‘‘
عباس عراقچی نے اس تاریخی جملے کی وضاحت کرتے ہوئے لکھا کہ یہ الفاظ ایک رومی سپہ سالار نے کہے تھے، جس کی آخری جنگی مہم میں فوجی تعداد میں برتری کے باوجود اسے بھاری شکست ہوئی۔ وہ میدان جنگ سے فرار کے بعد پکڑا گیا اور اس کا سر قلم کر دیا گیا۔ انہوں نے مزید لکھا: ’’سبق حاصل کریں؛ جو لوگ ماضی کو یاد نہیں رکھ سکتے، وہ اسے دہرانے پر مجبور ہوتے ہیں۔‘‘


