افغانستان کی وزارت دفاع نے طالبان کے اڈوں پر فوج کے حملوں میں دسیوں طالبان کی ہلاکت کی خبردی ہے
ارنا کی رپورٹ کے مطابق افغانستان کی وزارت دفاع نے بدھ کو ایک بیان جاری کر کے اعلان کیا ہے کہ زابل، ارزگان ، قندوز، ننگرہار، ہلمند، پکتیا، فراہ اور پکتیکا صوبوں میں فوج کی زمینی اور فضائی کارروائیوں میں اکانوے طالبان ہلاک اور بتیس زخمی ہوگئے۔ان کارروائیوں میں داعش دہشتگرد گروہ کے پانج دہشتگرد بھی ہلاک ہوئے ہیں۔افغانستان کی وزارت دفاع نے اس کارروائی میں افغان فوج کو ہونے والے ممکنہ جانی نقصانات کی جانب کوئی اشارہ نہیں کیا ہے۔ایک رپورٹ کے مطابق شمالی افغانستان کے صوبے قندوز کے ضلع خان آباد میں طالبان کے حملے میں پانچ افغان فوجی بھی مارے گئے ہیں۔
