عبرانی اخبار ہاآرتص نے رپورٹ کیا ہے کہ قابض صہیونی فوج جنوبی شام میں اپنی فوجی موجودگی کو جواز فراہم کرنے کیلئے فرضی فوجی سرگرمیاں انجام دے رہی اور شہریوں سے جان بوجھ کر تصادم پیدا کر رہی ہے۔
اخبار نے جنوبی شام میں خدمات انجام دینے والے صہیونی فوجیوں کے حوالے سے لکھا کہ قابض فوج نے ایسے علاقے میں بڑی تعداد میں اہلکار تعینات کر رکھے ہیں جہاں تقریباً کوئی خطرہ موجود نہیں۔ فوجی اہلکاروں نے غیر علانیہ گفتگو میں بتایا کہ اس موجودگی کو جواز دینے کیلئے مقامی باشندوں کے ساتھ روزانہ کشیدگی پیدا کی جاتی ہے۔
