ایرانایشیاپاکستانمشرق وسطی

ملی یکجہتی کونسل کا وفد ایران پہنچ گیا

ملی یکجہتی کونسل پاکستان کا اعلی سطحی وفد جنرل قاسم سلیمانی کی شہادت پر تعزیت اور ایرانی عوام سے یکجہتی کے اظہار کے لیے تہران پہنچ گیا ہے۔

وفد کے ارکان ایرانی قیادت سے ملاقات کر کے جنرل قاسم سلیمانی کی شہادت پر تعزیت پیش کرنے کے علاوہ امریکی حملے کے خلاف پاکستانی عوام کے جذبات سے بھی انہیں آگاہ کریں گے۔وفد میں جماعت اسلامی پاکستان کے نائب امیر لیاقت بلوچ، جمیعت علمائے پاکستان کے صدر نورانی کے علاوہ علامہ عارف حسین واحدی اور سید ثاقب اکبر شامل ہیں۔ پیر کے روز ملی یکجہتی کونسل میں شامل مذہبی جماعتوں کے سربراہی اجلاس میں مذکورہ وفد کو ایران بھیجنے کا فیصلہ کیا گیا تھا۔ملی یکجہتی کونسل کے سربراہی اجلاس کے بعد جاری ہونے والے بیان میں کہا گیا تھا کہ جنرل قاسم سلیمانی پر امریکہ کا دہشت گردانہ حملہ پورے عالم اسلام پر حملہ ہے۔ بیان میں یہ بھی کہا گیا تھا کہ امریکہ، پاکستان، افغانستان، عراق، شام اور دیگر مسلمان ممالک سے نکل جائے اور یمن میں جنگ فی الفور ختم کی جائے۔ قابل ذکر ہے کہ امریکہ کے دہشت گردانہ حملے میں عالم اسلام کے مایہ ناز جرنیل جنرل قاسم سلیمانی اور ان کے ساتھیوں کی شہادت کے بعد پاکستان میں بڑے پیمانے پر امریکہ مخالف مظاہرے اور جلسے کیے جا رہے ہیں۔

متعلقہ مضامین

Leave a Reply

Your email address will not be published. Required fields are marked *

Back to top button