ایران نے کہا ہےکہ یکطرفہ پابندیاں عالمی قوانین اور اقوام متحدہ کے منشور کی کھلی خلاف ورزی ہے جس سےممالک کی ترقی مشکل میں پڑتی ہے
اسلامی جمہوریہ ایران نے عالمی برادری سے مطالبہ کیا ہے کہ وہ ترقی پذیر ممالک کے خلاف غیرقانونی اور یکطرفہ پابندیوں کا مقابلہ کرے.
ایرانی وزیر خارجہ کے سینیئر مشیر محمد خزاعی نے اقوام متحدہ میں ترقیاتی مالی فنڈنگ کے اجلاس سے خطاب کرتے ہوئے کہا کہ ممالک کے خلاف غیرمنصفانہ پابندیوں کا مقصد انھیں معاشی اور تجارتی طور پر مفلوج کرنا ہے لہذا دنیا ایسے یکطرفہ اقدامات کی روک تھام کے لئے آگے بڑھے.
محمد خزاعی نے کہا کہ ترقی پذیر ممالک کے خلاف یکطرفہ پابندیوں سے پائیدار اقتصادی اور سماجی ترقی ناممکن ہے.
محمد خزاعی نے دنیا کے ممالک پر زور دیا کہ وہ غربت کے خاتمے کے لئے بین الاقوامی ترقیاتی ذرائع کا مشترکہ طورپر استفادہ کریں تاہم اس کے لئے شفاف اور منصفانہ رویہ اپنانا ہوگا.
