یمن: بیک وقت 4 امریکی اوراسرائیلی بحری جہازوں پر کروز میزائلوں اور ڈرون طیاروں سے بڑا حملہ
المسیرہ نیٹ ورک کے مطابق یمنی مسلح افواج کے ترجمان بریگیڈیئر جنرل یحیی سریع نے کہا ہے کہ خلیج عدن میں دو اسرائیلی بحری جہازوں اور دو امریکی بحری جہازوں پر حملے کیے ہیں۔
انہوں نے کہا کہ خلیج عدن میں دو اسرائیلی جہازوں (MSC Darwin) اور (MSC GINA) کو نشانہ بنایا گیا۔
یحییٰ سریع نے مزید کہا کہ خلیج عدن میں امریکی جہاز (MAERSK YORKTOWN) کے علاوہ ایک اور امریکی جنگی کے آپریشن کیا گيا۔انہوں نے کہا کہ ان اسرائیلی اور امریکی جہازوں کو متعدد کروز میزائلوں اور ڈرون طیاروں سے نشانہ بنایا گیا۔
یمنی مسلح افواج کے ترجمان نے مزید کہا کہ ہم مظلوم فلسطینی قوم کے تئیں اپنا مذہبی، اخلاقی اور انسانی فرض ادا کرتے ہوئے یمن کا دفاع کرتے رہیں گے۔
یحیی سریع نے یہ بات زور دیکر کہی کہ غزہ پر اسرائيلی جارحیت اور ناکہ بندی کے خاتمے تک بحیرہ احمر، بحیرہ عرب اور بحر ہند میں ہماری کارروائیاں جاری رہیں گی۔
یمنی فوج نے اب تک غزہ کی پٹی میں فلسطینی قوم کی مزاحمت کی حمایت میں بحیرہ احمر اور آبنائے باب المندب میں مقبوضہ علاقوں کے لیے جانے والے متعدد امریکی، برطانوی اور صہیونی بحری جہازوں یا بحری جہازوں کو نشانہ بنایا ہے۔
تبصرے