ایران کے مختلف شہروں میں ایران میں حالیہ مظاہروں کے دوران شرپسندوں اور بلوائیوں کے خلاف ایرانی عوام کے احتجاجی مظاہروں کا سلسلہ جاری ہے۔
اسلامی جمہوریہ ایران میں پیٹرول کی قیمتوں میں اضافے کے اعلان کے بعد عوام نے پر امن مظاہرے کئے لیکن اغیار سے وابستہ بلوائی عناصر نے عوام کے ان مظاہروں کو تشدد میں تبدیل کرکے منحرف کرکے بہت عوامی اور سرکاری املاک کو نقصان پہنچایا جس کے بعد ایرانی عوام نے مختلف شہروں بشمول ایلام، آبادان، بروجرد، مشہد، زاہدان، ماہشہر، شہرری، دامغان، شوش، خرمشہراور دماوند میں سڑکوں پر آکر پرامن مظاہروں کے ذریعے بدامنی اور تشدد پھیلانے والے اغیار کے ایجنٹوں اور شرپسند عناصر کے اقدامات کی شدید مذمت کی امریکہ مردہ باد اور اسرائیل مردہ باد کے نعرے لگائے اور اسلامی انقلاب ، انقلابی اقدار، بانی انقلاب اسلامی حضرت امام خمینی رحمت اللہ علیہ کی امنگوں اور رہبر انقلاب اسلامی آیت اللہ العظمی سید علی خامنہ ای سے اپنی وفاداری کا اعلان کیا۔ جبکہ ایران کے اندرونی معاملات میں امریکہ کی حالیہ مداخلت اور اس کی طرف سے شرپسندوں کی حمایت کے خلاف اسلامی جمہوریہ ایران کے دارالحکومت تہران میں کل بروز پیرعظیم الشان ریلی نکالی جائے گی۔
