فارس خبر رساں ایجنسی کی رپورٹ کے مطابق امریکہ کی وزارت خارجہ نے جمعے کی شب ایک بیان جاری کرتے ہوئے کہا کہ جو بھی حزب اللہ کے کمانڈر محمد کوثرانی کے بارے میں اطلاعات فراہم کرے گا اسے 10 ملین ڈالر کا انعام دیا جائے گا۔
امریکہ کی وزارت خارجہ نے اس بیان میں دعوی کیا کہ محمد کوثرانی عراق میں ایران کے حمایت یافتہ گروہوں کے مابین ہم آہنگی کا کام انجام دیتے ہیں۔
امریکہ نے محمد کوثرانی کو 2013 میں اپنی پابندیوں کی فہرست میں قرار دیتے ہوئے کہا تھا کہ وہ عراق میں مسلح گروہوں کی مالی مدد کرتے ہیں۔
واضح رہے کہ امریکہ اور غاصب اسرائیل علاقے میں دہشتگردوں کے خلاف مزاحمتی فورسز من جملہ حزب اللہ کو حاصل ہونے والی کامیابیوں کے بعد ان پر زیادہ سے زیادہ دباو بڑھانے کی کوشش کررہے ہیں۔
