مشرق وسطیشام

اسرائیل کی جارحیت میں ماں، باپ اور 2 بیٹے جاں بحق

Syria, Damascus

سانا کی رپورٹ کے مطابق شام کے عسکری ذرائع نے کہا ہے کہ اسرائیل کے جنگی طیاروں نے صوبہ حماہ میں حملہ کیا جس کے نتیجے میں ایک ہی کنبہ سے تعلق رکھنے والے 4 افراد جاں بحق ہوئے جن میں ماں، باپ اور 2 بیٹے شامل ہیں اس حملے میں 2 بچے ایک عورت اور ایک سن رسیدہ شخص زخمی ہوا۔ جاں بحق اور زخمی ہونے والوں کو قریبی اسپتال منتقل کردیا گیا ہے جہاں 2 زخمیوں کی حالت نازک بتائی جا رہی ہے۔

واضح رہے کہ کل اسرائیل کے جنگی طیاروں نے شام کے صوبے حماہ میں میزائل برسائے جسے شامی فضائی دفاعی نظام نے فضا میں ہی ناکارہ بنا دیا تاہم کچھ میزائل رہائشی علاقے میں گرے۔

صیہونی حکومت، اس سے پہلے بھی کئی بار دہشت گردوں کی حمایت میں شامی فوج اور اس ملک کی بنیادی تنصیبات کو نشانہ بناتی رہی ہے۔

یاد رہے کہ دو ہزار گیارہ میں امریکہ اور سعودی عرب کے حمایت یافتہ دہشتگردوں نے شام میں سکیورٹی بحران کو ہوا دی تاہم شامی فوج نے ایران، استقامتی قوتوں اور روس کی مدد سے خونخوار دہشتگردوں منجملہ تکفیری ٹولے داعش کوشکست دی، تاہم اب بھی شام کے بعض علاقوں میں امریکہ، سعودی عرب اور ترکی کے حمایت یافتہ دہشتگرد عناصر سرگرم عمل ہیں۔

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔

Back to top button