یورپامام خامنہ ایایراندنیامثالی شخصیاتمشرق وسطی

رہبر انقلاب اسلامی کا اہم پیغام لے کر پارلیمنٹ کے اسپیکر روس پہنچے

ایران کی پارلیمنٹ مجلس شورای اسلامی کے اسپیکر محمد باقر قالیباف نے اپنے پہلے غیر ملکی دورے کے دوران ایرانی تنظیموں کے سربراہوں سے ملاقات میں کہا کہ دونوں ممالک کے درمیان علاقائی اور عالمی سطح پر بہت سے اشتراکات پائے جاتے ہیں جس کی وجہ سے باہمی تعلقات میں توسیع کی بے پناہ توانائیاں نکھر کر سامنے آتی ہیں۔

دوسری جانب پارلیمنٹ کے اسپیکر نے اپنے روسی ہم منصب سے ملاقات میں کہا کہ تہران- ماسکو کے درمیان اقتصادی تعلقات کے لئے نئے ڈھانچے کی تعمیر ضروری ہے۔

انہوں نے ڈیوما کے اسپیکر ویچسلاو والودین سے ملاقات کے بعد نامہ نگاروں سے گفتگو کرتے ہوئے کہا کہ صدر پوتین کے لئے رہبر انقلاب اسلامی کے پیغام میں ایران اور روس کے اسٹراٹیجک تعلقات کی مضبوطی اور اس کے جاری رہنے پر تاکید کی گئی ہے۔

ان کا کہنا تھا کہ اپنے پہلے غیر ملکی دورے کے دوران میں روسی صدر ولادیمیر پوتین کے لئے رہبر انقلاب اسلامی کا خاص پیغام لایا ہوں۔

واضح رہے کہ ایران کی پارلیمنٹ کے اسپیکر اپنے پہلے غیر ملکی دورے کے لئے اپنے روسی ہم منصب کی دعوت پر ایک اعلی سطحی وفد کے ساتھ اتوار کی شام ماسکو پہنچے ہیں۔

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔

Back to top button