امریکی صدر ڈونلڈ ٹرمپ نے جمعے کے روز باضابطہ اعلان کیا کہ سوڈان نے بھی اسرائیل کے ساتھ تعلقات کے قیام پر موافقت کر دی ہے۔
فارس نیوز ایجنسی کی رپورٹ کے مطابق وائٹ ہاوس نے جمعے کے روز اعلان کیا کہ امریکی صدر ڈونلڈ ٹرمپ نے خبر دی ہے کہ اسرائیل اور سوڈان نے تعلقات کو معمول پر لانے کے لئے اتفاق کر لیا ہے۔
وائٹ ہاوس کے بیان میں کہا گیا ہے کہ معاہدے میں دیگر ممالک کا شامل ہونا، مشرق وسطی میں قیام امن کی جانب اہم قدم تصور کیا جاتا ہے۔
امریکی صدر نے اعلان کیا کہ مجھے پورا یقین ہے کہ سعودی عرب بھی بہت جلد اسرائیل سے تعلقات استوار کرنے کی جانب قدم بڑھائے گا۔
