ونزوئیلا کے وزیر پیٹرولئم طارق العیسامی نے بدھ کو ایران کی جانب سے ونزوئیلا کی مدد کے لئے روانہ کئے جانے والے آئل ٹینکروں کی تصاویر شائع کرتے ہوئے لکھا کہ فارسٹ آئل ٹینکر کا خیر مقدم ہے۔
فارسٹ اسلامی جمہوریہ ایران کا دوسرا آئل ٹینکر ہے فارسٹ ونزوئیلا کی بندرگاہ پر پہنچ چکا ہے جبکہ تیسرا آئل ٹینکر بھی ونزوئلا کی آبی سرحدوں میں داخل ہو کر ساحل سے قریب ہو رہا ہے۔ ایران نے ونزوئیلا کے لئے پانچ آئل ٹینکر روانہ کئے ہیں۔
ونزوئیلا کے لئے بھیجے جانے والے تین دیگر آئل ٹینکروں کے نام کلاول، فاکسون اور پتونیا ہے جو فارچون اور فارسٹ کے بعد روانہ کئے گئے تھے اور اس وقت ونزوئیلا کے ساحلوں کے قریب پہنچنے والے ہیں۔
ونزوئیلا کے صدر نیکولس مادورو نے اس ملک کی حکومت اور قوم کی جانب سے اسلامی جہموریہ کی حمایتوں کی قدردانی کی ہے اور کہا ہے کہ ونزوئیلا تنہا نہیں ہے بلکہ اس کے ساتھ شجاع اور نڈر دوست بھی ہیں جو اسکے ساتھ کھڑے ہوئے ہیں۔
