یمن کی مسلح افواج کے ترجمان نے اعلان کیا ہے کہ جارح سعودی عرب کے صوبہ عسیر کے ابہا (Abha ) بین الاقوامی ایئرپورٹ پر یمنی فورسز نے ڈرون حملہ کیا ہے۔
ارنا نیوز کے مطابق یمن کی مسلح افواج کے ترجمان یحییٰ السریع نے اعلان کیا ہے کہ یمنی فورسز کے بمبار ڈرون طیاروں نے جنوبی سعودی کے ابہا ایئرپورٹ کے حساس فوجی اڈوں پر بمباری کی ہے۔ یحییٰ السریع کا کہنا تھا کہ یہ حملہ سعودی عرب کی مسلسل جارحیت اور یمن کے محاصرے کے جواب میں کیا گیا ہے۔
حالیہ ہفتوں کے دوران جارح سعودی اتحاد نے یمن کے رہائشی علاقوں پر اپنے حملے تیز کر دئے ہیں جس کے سبب اب تک سیکڑوں یمنی شہری شہید و زخمی ہو چکے ہیں جن میں خاصی تعداد خواتین اور بچوں کی ہے۔
