ایران کے وزیر خارجہ محمد جواد ظریف نے منگل کو تہران میں پاکستان کے نئے سفیر رحیم حیات قریشی سے ملاقات میں کہا کہ تہران نے ہمیشہ اسلام آباد کے ساتھ تعلقات کے فروغ کا خیرمقدم کیا ہے۔تہران میں پاکستان کے نئے سفیر نے منگل کو ایران کے وزیر خارجہ محمد جواد ظریف سے ملاقات کر کے اپنے کاغذات تقرری پیش کئے۔اس ملاقات میں پاکستان کے سفیر نے کہا کہ وہ دونوں ملکوں کے درمیان زیادہ سے زیادہ تعاون کے فروغ کی کوشش کریں گے۔
