سعودی اتحاد کے فوجیوں نے جنگ بندی کی خلاف ورزی کرتے ہوئے مغربی یمن کے صوبے الحدیدہ پر گولہ باری کی ہے۔
المسیرہ ٹیلی ویژن کے مطابق سعودی اتحاد کی گولہ باری کے نتیجے میں الحدیدہ کا علاقہ الحیس سب سے زیادہ متاثر ہوا ہے جہاں درجنوں مکانات تباہ ہوگئے ہیں۔
جارح سعودی اتحاد نے اتوار کے روز بھی جنگ بندی کے معاہدے کی خلاف ورزی کرتے ہوئے الحدیدہ کے مختلف علاقوں پر راکٹوں سے حملہ کیا تھا۔
دوسری جانب یمن کی فوج اورعوامی رضاکار فورس کے جوانوں نے جنوبی سعودی عرب کی صوبے عسیر کی جانب سے سعودی فوجی اتحاد کی پیشقدمی کو ناکام بنادیا ہے۔
یمنی فوج اور عوامی رضاکار فورس کی جوابی کارروائی میں سعودی اتحاد میں شامل درجنوں کرائے کے فوجی ہلاک ہوگئے۔
