امریکہ میں گاڑی کے اندر ایک اٹھائیس سالہ غیرمسلح نوجوان پر پولیس کی فائرنگ کے خلاف عوامی مظاہروں کی خبریں ہیں۔
نیوڈیموکریسی نامی انٹرنیٹ ویب سائٹ نے لکھا ہے کہ ریاست آریزونا کے شہر فینیکس میں گاڑی میں بیٹھے ہوئے ایک اٹھائیس سالہ نوجوان جیمز پورٹرگارسیا پر پولیس کی فائرنگ کے خلاف احتجاجی مظاہرے ہوئے ہیں۔ شہر فینیکس کے مظاہرین اپنے ہاتھوں میں جیمز پورٹرگارسیا کی تصویریں اٹھائے ہوئے تھے اور فائرنگ کے واقعے کی تحقیقات کا مطالبہ کر رہے تھے۔
