عراقمشرق وسطی

عراق، امریکی دہشتگردوں پر 24 گھنٹے میں دوسرا حملہ

عراق، امریکی دہشتگردوں پر 24 گھنٹے میں دوسرا حملہ

فارس خبر رساں ایجنسی کی رپورٹ کے مطابق عراق کے خبری ذرائع کا کہنا ہے کہ عراق کے دارالحکومت بغداد کے گرد و نواح میں امریکی فوجی اڈے وکٹوری پر راکٹ حملوں کے صرف چند گھنٹوں بعد بابل صوبے کے حلہ شہر کے الامام علاقے میں امریکی کانوائے کے راستے میں 5 بم دھماکے ہوئے۔

عراق میں اتوار کی شب بغداد ایئر پورٹ کے اطراف میں امریکہ کے فوجی اڈے وکٹوری پر دو راکٹ داغے گئے تھے۔ راکٹ حملے کے بعد خطرے کے سائرن بجنے لگے۔ ابھی تک اس حملے میں جانی نقصان کے حوالے سے کوئی رپورٹ سامنے نہیں آئی ہے۔ چند روز قبل بھی التاجی اور البلد کے امریکی فوجی اڈوں کے قریب راکٹوں سے حملہ ہوا تھا۔

عراقی عوام اور سیاسی اور مذہبی جماعتیں ملک سے امریکی فوجیوں کے انخلا کا مطالبہ کر رہی ہیں جبکہ عراق کی پارلیمنٹ نے بھی اس ملک سے امریکہ کے دہشت گرد فوجیوں کے انخلا کا بل اکثریتی رائے سے منطور کیا ہے۔

واضح رہے کہ 3 جنوری کو امریکی دہشت گردوں نے فضائی حملہ کر کے ایران کی سپاہ قدس کے کمانڈر جنرل قاسم سلیمانی، عراق کی عوام رضاکار فورس کے ڈپٹی کمانڈر ابو مہدی المہندس اور ان کے کئی دیگر ساتھیوں کو شہید کر دیا تھا جس کے بدلے میں ایران نے 8 جنوری کو عراق میں امریکی دہشت گردی کے اہم اڈے عین الاسد پر درجنوں میزائل داغے۔ ایران کے اس جوابی حملے میں امریکہ کو بڑے پیمانے پر جانی اور مالی نقصان ہوا۔

متعلقہ مضامین

Leave a Reply

Your email address will not be published. Required fields are marked *

Back to top button