انسانی حقوقدنیایورپ
اسرائیلی عوام کا انسانی ہاتھوں کی زنجیر بنا کر احتجاج
اسرائیل کے عوام نے کورونا وائرس کی وبا اور کرپشن الزامات کے باعث وزیراعظم بنیامین نیتن یاہو سے مستعفی ہونے کا مطالبہ کیا ہے۔
قدس کی غاصب اور جابر صیہونی وزیراعظم اور ان کی حکومت کے خلاف تل ابیب میں رات بھر شدید احتجاج کیا گیا اور درجنوں اسرائیلی عوام نے انسانی ہاتھوں کی زنجیر بنا کر بدھ کو پارلیمنٹ کے راستے بند کردیے۔
پولیس نے احتجاج کرنے والے چار افراد کو گرفتار کر لیا جبکہ مظاہرین کو منتشرکرنے کے لئے آنسو گیس کے گولے داغے گئے۔
تل ابیب میں نیتن یاہو کی رہائش گاہ کے باہر احتجاج اب ہر ہفتے کا معمول بن گیا ہے جہاں پولیس مظاہرین کے خلاف ہر گزرتے دن کے ساتھ سختی سے نمٹ رہی ہے۔
