المیادین کی رپورٹ کے مطابق فلسطینی باشندے نابلس شہر میں صہیونی بستیوں کی تعمیر اور صیہونی جارحیت کے خلاف مظاہرہ کر رہے تھے کہ اسی وقت صیہونی فوجیوں نے ان پر حملہ کردیا۔ صیہونی فوجیوں نے پرامن فلسطینی مظاہرین پر آنسوگیس کے گولے داغے اور پھر ربر کی گولیوں سے کئی فلسطینیوں کو چھلنی کردیا جس کے نتیجے میں 14 فلسطینی شدید زخمی ہوگئے۔
مظاہرین نے اپنے ہاتھوں میں فلسطین کے پرچم اٹھا رکھے تھے اور وہ غیر قانونی صہیونی بستیوں کی تعمیر اور صیہونی جارحیت روکنے کا مطالبہ کر رہے تھے۔
صیہونی فوجی فلسطینیوں پر آئے دن حملے کر تے رہتے ہیں اور ان کے گھروں اور مقدس مقامات کو منہدم کرنے کے ساتھ ساتھ فلسطینیوں کو علاقے سے بے دخل کرکے صیہونی بستیاں تعمیر کرتے ہیں۔غاصب صیہونی حکومت نئی بستیوں کی تعمیر کے ذریعے علاقے میں آبادی کا نتاسب اپنے حق میں تبدیل اور غاصبانہ قبضے کو مضبوط بنانے کی ناکام کوشش کر رہی ہے۔
