یمنی فوج کا کہنا ہے کہ سعودی اتحاد کے آلۂ کاروں نے گزشتہ 24 گھنٹوں کے دوران الحدیدہ میں ایک بار پھرجنگ بندی کی خلاف ورزی کرتے ہوئے مختلف علاقوں پر گولہ باری کی ہے۔
المسیرہ ٹی وی نے اعلان کیا ہے کہ گزشتہ 24 گھنٹوں کے دوران یمن کے صوبے الحدیدہ پر جارح سعودی اتحاد کےجنگی طیاروں اور ڈرون نے پروازیں کیں، توپخانوں کے گولے داغے اور بھاری اور ہلکے ہتھیاروں سے حملے کئے جس کے نتیجے میں 5 یمنی زخمی ہوئے اور گھروں کو کافی نقصان پہنچا۔
جارح سعودی اتحاد کے جنگی طیاروں نے اتوار کی صبح بھی یمن کے دارالحکومت صنعا کو وحشیانہ بمباری کا نشانہ بنایا تھا ۔
جارح سعودی اتحاد کے جنگی طیاروں نے صنعا کے انٹرنیشنل ایئرپورٹ اور اس شہر کے دیگر دو شہروں پروحشیانہ حملے کئے ہیں ۔
