تہران کے خطیب نماز جمعہ نے کہا ہے کہ اگر اسلامی انقلاب نہ آتا تو امریکہ اور صیہونی حکومت، اسلامی جمہوریہ ایران اور عالم اسلام پر مسلط رہتے۔
آج تہران کی مرکزی نماز جمعہ آیت اللہ محمد امامی کاشانی کی امامت میں ادا کی گئی۔
تہران کے خطیب نماز جمعہ نے نماز جمعہ کے خطبوں کے دوران کہا کہ گیارہ فروری انیس سو اناسی میں آنے والے ایران کے اسلامی انقلاب نے سامراجی طاقتوں کے مذموم عزائم خاک میں ملا دیئے۔
آیت اللہ امامی کاشانی نے کہا کہ ایران میں اسلامی انقلاب کے کامیاب ہوتے ہی علاقے کے عوام اور اسلامی ممالک، علاقے میں امریکی و صیہونی سازشوں کے مقابلے میں اٹھ کھڑے ہوئے اور ان سازشوں کے مقابلے میں ڈٹ گئے۔
