پشاور میں سیکیورٹی فورسز کی گاڑی کے قریب دھماکہ
پاکستانی میڈیا کی رپورٹ کے مطابق پشاور میں ورسک روڈ پر فرنٹیئر کور کی گاڑی کے قریب دھماکہ ہوا ہے جس کس آواز دور دور تک سنائی دی ہے۔
ایس پی ورسک کے بیان کے مطابق مچنی سے مہمند رائیفل کی گاڑیاں پشاور آ رہی تھیں، ساڑھے دس بجے مہمند رائیفل کی گاڑی کو نشانہ بنایا گیا، جس کے نتیجے میں ایک اہلکار جاں بحق اور 6 دیگر اہلکاروں کی زخمی ہونے کی خبر ہے۔ بتایا جا رہا ہے کہ زخمیوں میں 2 سویلین بھی ہیں۔
پولیس کی رپورٹ کے مطابق ایف سی کی گاڑی کو نشانہ بنایا گیا ہے، دھماکے کی نوعیت کا اندازہ لگایا جا رہا ہے۔
سی سی پی او پشاور اشفاق انور کے مطابق ابتدائی طور پر دھماکا خودکش نہیں لگتا، بارودی مواد روڈ کے کنارے نصب کیا گیا تھا۔
انہوں نے بتایا ہے کہ بارودی مواد پھٹنے سے دھماکہ ہوا، بی ڈی یو اور سی ٹی ڈی کی ٹیمیں شواہد اکٹھے کر رہی ہیں۔
رپورٹ کے مطابق دھماکے کے فوری بعد علاقے کو قانون نافذ کرنے والے اداروں کے اہلکاروں نے گھیرے میں لے لیا ہے۔
#pakistan
#peshawar
#blast
