یمنی ذرائع نے اس ملک کے مختلف علاقوں پر جارح سعودی اتحاد کے جنگی طیاروں کے حملے جاری رہنے کی خبر دی ہے۔
المسیرہ کی رپورٹ کے مطابق جارح سعودی اتحاد کے جنگی طیاروں نے ہفتے کو صوبہ صعدہ کے رازح کے مختلف علاقوں اور اس ملک کے سرحدی علاقوں پر کئی بار بمباری کی ۔ خبروں کے مطابق سعودی اتحاد نے شمالی یمن کے صوبہ صعدہ کے باقم علاقے کو بھی اپنے جارحانہ حملوں کا نشانہ بنایا ۔
گزشتہ دنوں سے یمن پر جارح سعودی اتحاد کے حملوں میں شدت آ گئی ہے اور اس کے جواب میں یمنی جوانوں نے سعودی عرب کے بعض علاقوں کو اپنے حملوں کا نشانہ بنایا۔
