افغانستانایشیا

امریکی بمباری، 13 افغان شہری جاں بحق

امریکی فوجیوں نے ایک بار پھر تیرہ افغان شہریوں کو خاک و خون میں غلطاں کر دیا۔

میڈیا رپورٹ کے مطابق امریکی فضائیہ کے جنگی طیاروں نے شمالی افغانستان کے صوبے قندوز میں رہائشی مکانات کو نشانہ بنایا۔ قندوز کی صوبائی کونسل کے رکن امرالدین ولی نے بھی اس خبر کی تصدیق کرتے ہوئے کہا ہے کہ امریکی حملے میں متعدد رہائشی مکانات زمین بوس ہو گئے۔
امریکی فوج کے وحشیانہ فضائی حملے میں عورتوں اور بچوں سمیت تیرہ افغان شہری جاں بحق اور تین دیگر زخمی ہوئے۔
امریکی حکام نے دعوی کیا ہے کہ جس جگہ حملہ کیا گیا وہاں طالبان نے پناہ لے رکھی تھی۔ امریکی فوج، مختلف بہانوں سے افغانستان میں روزانہ دس ایسے حملے کرتی ہے کہ جن میں زیادہ تر بے گناہ عام شہری مارے جاتے ہیں۔
افغانستان کی پارلیمنٹ نے پچھلے چند ماہ کے دوران متعدد بارعام شہریوں کے خلاف امریکہ کے فضائی، زمینی اور ڈرون حملے بند کرنے کا مطالبہ کیا ہے۔

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button