ایشیاامام خامنہ ایایراندنیامثالی شخصیاتمشرق وسطی

نوجوان ملک کے روشن مستقبل کے ضامن ہیں: قائد انقلاب اسلامی

Imam Khamenei, Iran

21 February 2021
50 ۱ منٹ پڑھنا

رہبر انقلاب اسلامی نے یورپ میں زیر تعلیم ایرانی طلبا کی اسلامی تنظیموں کے سالانہ کنوینشن کے نام اپنے تحریری پیغام میں فرمایا کہ وقت گزرنے کے ساتھ ساتھ ملک کی ترقی و پیشرفت میں نوجوانوں کے کردار کی اہمیت مزید اجاگر ہوتی جا رہی ہے۔

قائد انقلاب اسلامی کے پیغام میں آیا ہے کہ کورونا جیسی عمومی وبا کے دوران نوجوانوں کا کردار ایک بار پھر ثابت ہوگیا ہے۔ آپ نے فرمایا کہ ملک کے دیگر مسائل کی طرح کورونا کے معاملے میں بھی ملک کے نوجوانوں کی ولولہ انگیز کوششیں کارگر ثابت ہوئی ہیں۔

آیت اللہ العظمی سید علی خامنہ ای نے فرمایا کہ یہ اسلامی انقلاب کے قابل فخر کارناموں میں سے ایک ہے کہ اس نے ملک کے اہم ترین اور بنیادی معاملات میں اپنا کردار ادا کرنے کے لئے اپنے لائق اور باصلاحیت نوجوانوں پر اعتماد کیا اور ان کے دلوں میں ملک کے بنیادی مسائل میں کردار ادا کرنے کا احساس پوری طرح جگا دیا۔

رہبر انقلاب اسلامی نے اپنے پیغام میں طلبا کو مخاطب کرتے ہوئے فرمایا کہ مجھے امید ہے کہ میرے عزیز طلبا و طالبات اس موقع کو غنیمت سمجھیں گے اور خود کو زیادہ سے زیادہ علمی، دینی اور اخلاقی صلاحیتوں سے آراستہ کرکے ملکی ترقی و پیشرفت میں کردار ادا کرنے کے قابل بنائیں گے۔

خیال رہے کہ قائد انقلاب اسلامی آیت اللہ العظمیٰ سید علی خامنہ ای نے یورپ میں زیر تعلیم ایرانی طلبا کی اسلامی تنظیموں کے پچپنویں سالانہ کنوینشن کے نام ایک پیغام تحریر کیا ہے جسے آپ کے خصوصی نمائندے احمد واعظی نے ویڈیو لنک کے ذریعے پڑھ کر سنایا۔

21 February 2021
50 ۱ منٹ پڑھنا

متعلقہ مضامین

پاکستان میں 2 روز تک موبائل فون سروس معطل

9 September 2019

سعودی عرب اگلے سو سال بھی لگا لے تب بھی وہ یمنیوں کو شکست نہیں دے سکتا۔ سنی اتحاد کونسل کے چیرمین صاحبزادہ حامد رضا نے کہا ہے کہ اگر ایران پرجنگ مسلط کی گئی تو برادر اسلامی ملک ہونے کے ناطے ہم ایران کا بھرپور ساتھ دیں گےاور حکومت پاکستان اس بات کا اعلان کرے کہ جنگ کی صورت میں ہم ایران کے ساتھ کھڑے ہونگے، ایران کے ساتھ کھڑے ہونے کی وجوہات ہیں، اول یہ کہ ایران ہمارا پڑوسی اور برادر اسلامی ملک ہے اور سب سے بڑھ کر یہ کہ انسان اور قومیں ہمیشہ اس وقت پہچانی جاتی ہیں، جب وہ مشکل وقت ہوتی ہیں، ایسے حالات میں اپنے دوستوں اور دشمنوں کا تعین کرتی ہیں۔ 1965ء کی جنگ کے اندر جب مشکل وقت تھا تو جس طریقے سے ایران نے ہماری مدد کی، اس کی نظیر نہیں ملتی، وہ فیولنگ کے معاملات ہوں یا فنانشل معاملات، ہر محاذ پر ایران نے ساتھ دیا تھا، میں یہ سمجھتا ہوں کہ بحیثیت قوم 1965ء کا احسان ہمارے اوپر ایک قرض کی صورت میں موجود ہے اور اگر ہم زندہ قوم ہونے کا ثبوت دیں اور خدا نخواستہ امریکا کوئی ایسا مس ایڈونچر کرتا ہے تو یہ بہترین وقت ہے کہ ہم وہ احسان چکا دیں اور مشکل وقت میں اپنے محسنوں کے ساتھ کھڑے ہوں۔ صاحبزادہ حامد رضا کا کہنا تھا کہ سعودی عرب کی اس سے زیادہ بے عزتی کیا ہوسکتی ہے کہ دنیا کا اسٹیٹ آف آرٹ اسلحہ ان کے پاس موجود ہے، پیسہ ان کے پاس ہے، دنیا کی سپر پاور ان کے ساتھ کھڑی ہے، 41 ممالک کا فوجی اتحاد ان کے ساتھ ہے، اسکے باوجود یمن کی معصوم عوام جن کے پاس نہ پیسہ ہے، نہ اسلحۃ ہے، سوائے ایمان کی دولت کے، مگر یہ ان کو شکست نہیں دے سکے، میں یہ سمجھتا ہوں کہ سعودی عرب اگلے سو سال بھی لگا لے تو وہ اس ایمان کو شکست نہیں دے سکتا، جو یمنی لوگوں کے اندر ہے اس کا ادراک دیر یا جلد سعودی عرب کو ہو جائے گا۔

21 July 2019

فلسطینی نوجوان کی شہادت

15 May 2020

صیہونی فوجیوں کی جارحیت کا سلسلہ جاری، فلسطینیوں کے گھر مسمار

6 March 2020

Leave a Reply

Your email address will not be published. Required fields are marked *

Back to top button