سعودی عرب اور متحدہ عرب امارات سے وابستہ جنگجوؤں کے درمیان ایک بار پھر شدید جھڑپ ہوئی ہے۔
یمن میں سعودی عرب اور متحدہ عرب امارات کے حامیوں کے درمیان ہونے والی ایک جھڑپ میں متعدد افراد کے ہلاک اور زخمی ہونے کی خبریں مل رہی ہیں۔
نیوز رپورٹوں کے مطابق سعودی حمایت یافتہ مفرور صدر منصور ہادی اور جنوب کی عبوری کونسل کے جنگجوؤں کے درمیان ہونے والی ایک جھڑپ میں متعدد سعودی نواز مارے گئے ہیں۔
رشیا ٹو ڈے نے اس خبر کی تصدیق کرتے ہوئے انکشاف کیا ہے کہ ریاض اور ابوظہبی سے وابستہ عناصر ” الطریہ” نامی علاقے میں ایک دوسرے کے خلاف میدان ميں آگئے جس کے نتیجے میں منصور ہادی کے حامی چھے جنگجو ہلاک اور چار زخمی ہوگئے۔
