مقبوضہ قدس کے فلسطینیوں نے آج فتح تنظیم کے سابق رکن محمد دحلان کو محمود عباس کی جگہ فلسطینی انتظامیہ کا سربراہ بنانے سے متعلق امریکی فیصلے اور سازش کے خلاف احتجاجی مظاہرے کئے۔
فارس خبر رساں ایجنسی کی رپورٹ کے مطابق فلسطینی مظاہرین نے آج ہونے والے احتجاجی مظاہرے میں فلسطینیوں کے خلاف امریکی سازشوں اور امریکی ریشہ دوانیوں کے خلاف نعرے لگائے اور محمد دحلان کو اسرائیل کا آلہ کار قرار دیتے ہوئے کہا کہ قدس شریف تمام فلسطینیوں کا ہے۔
دوسری جانب فلسطینی انتظامیہ کے وزیراعظم محمد اشتیه نے امریکی سفیر کے بیان پر سخت رد عمل کا اظہار کرتے ہوئے کہا کہ امریکہ کی اس قسم کی سازشوں سے دکھائی دیتا ہے کہ امریکہ کو سیاسی شکست ہوئی ہے۔
