دفاعی امور میں رہبر انقلاب اسلامی کے مشیر حسین دہقان نے واضح کیا ہے کہ اسلامی جمہوریہ ایران کسی بھی صورت میں کسی کے ساتھ اپنی دفاعی توانائی کے بارے میں ہرگز کوئی مذاکرات نہیں کرے گا۔
دفاعی امور میں رہبر انقلاب اسلامی کے مشیر جنرل حسین دہقان نے کہا ہے کہ ایک محدود اور ٹیکٹیکی جنگ بھرپور اور خطرناک جنگ میں تبدیل ہو سکتی ہے اور پھر یقینی طور پر امریکہ، علاقہ اور پوری دنیا اس قسم کے وسیع بحران کا سامنا کرنے کی تاب نہیں لا سکے گی۔ سابق وزیر دفاع نے یہ بات ایران کے خلاف فوجی اقدام کے لئے امریکی صدر ٹرمپ کے منصوبے پر مبنی مغربی ذرائع ابلاغ کی بعض رپورٹوں پر ردعمل میں کہی۔
انہوں نے کہا کہ اسلامی جمہوریہ ایران کسی بھی صورت میں کسی کے ساتھ اپنی دفاعی توانائی کے بارے میں ہرگز کوئی مذاکرات نہیں کرے گا۔
